ဖေ့စ်ဘုတ် မရှိတဲ့ နိုင်ငံ

တရုတ်နိုင်ငံဟာ ကမ္ဘာပေါ်မှာ ခရီးသွားဧည့်သည် အလာများဆုံး နိုင်ငံတွေထဲမှာ ပဉ္စမ မြောက်နိုင်ငံ အဖြစ်ရပ်တည်နေပါတယ်။ တစ်ချိန်တုန်းက ဆန် အတွက် နဲ့ လူ့အသက်ပေါင်းများစွာ စတေးခဲ့ပေမယ့် အခု အချိန်မှာတော့ ကမ္ဘာ့အင်အားအကြီးဆုံး နိုင်ငံတွေထဲမှာ တတိယမြောက်နိုင်ငံအဖြစ် ရပ်တည်လို့ နေနိုင်ခဲ့ပါပြီ။

တရုတ်နိုင်ငံရောက်ရင် အမျိုးသားအားလပ်ရက်တွေမှာ ဘယ်တော့မှ ခရီးထွက်ဖို့ မကြိုးစားပါနဲ့။ ဘာဖြစ်လို့လဲဆိုတော့ သူတို့ ဟာ အားလပ်ချိန် ဆိုတာကို ကြားဖူးကြပါ့မလား လို့ သံသယဖြစ်မိလို့ပါပဲ။ တရုတ်တွေဟာ အလုပ်ကြိုးစားပြီး နေ့စဉ်နေ့တိုင်း ကို ရုံးတက်ရက်လိုကို သဘောထားကာ အလုပ်လုပ်တဲ့အတွက် အစိုးရ က တရားဝင် အလုပ်ပိတ်လိုက်တဲ့ နေ့ဆိုရင် ရထားတွဲတွေမှာ လူတွေ မတရားပြည့်ကျပ်နေတတ်လို့ပဲ ဖြစ်ပါတယ်။ တစ်ခါတရံမှာ လူတွေ ကြပ်လွန်းတဲ့အတွက် နုလုံးရောဂါ ဖြစ်တော့မလားလို့ စိုးရိမ်ရလွန်းတဲ့အထိ လူပင်လယ်ကြီးကို အားလပ်ရက်မှာ တွေ့နိုင်ပါတယ်။

အဲဒီ ရက်တွေအတွင်းမှာ ခရီးသွားမိရင် တရုတ်နိုင်ငံရဲ့ တကယ်လှပတဲ့ ရှုခင်းတွေကို မြင်တွေ့ရဖို့ အာမ မခံနိုင်ပါဘူး ။ ဒါကြောင့် ခရီးသွားဖို့ စီစဉ်ထားတဲ့ ရက်စွဲတွေ ရှိရင် အမျိုးသားအားလပ်ရက် တွေနဲ့ တိုက်ဆိုင်နေပါက ပြန်လည် အစားထိုး ပြီး ခရီးစဉ်ရေးဆွဲဖို့ အကြံပေးလိုက်ချင်ပါတယ်။ နှစ်စဉ်နှစ်တိုင်း ရဲ့ မေ လ ၁ ရက် နဲ့ အောက်တိုဘာ ပထမပတ်တွေမှာ သူတို့ရဲ့ အမျိုးသား အားလပ်ရက်တွေ ရှိတတ်ပါတယ်။

လ တစ်လ ရဲ့ အစပိုင်းတွေမှာ ရထားလက်မှတ် ရယူထားမယ်ဆိုရင်တော့ သိပ်ကိုကောင်းမွန်တဲ့ ခရီးစဉ် ကို တွေ့ရနိုင်ပါတယ်။ ရထားလက်မှတ်မှာ ခြားနားချက်တွေ အနည်းငယ် ရှိနေပါတယ်။ အထူးသဖြင့် ပထမတန်း စား လက်မှတ် နဲ့ ဒုတိယတန်းစား လက်မှတ် ဟာ နည်းနည်း ကွာခြားပါတယ်။ ပထမတန်းစား လက်မှတ်မှာ သင့်ကို အညောင်းပြေအညာပြေ နင်းနှိပ်ပေးမယ့် ၀န်ထမ်းကောင်မလေးတွေ ရဲ့ အပြုအစု အယုအယ တွေ ကိုပါ ရရှိနိုင်ပါတယ်။ မဖြစ်မနေ ခရီးထွက်ဖို့ လိုအပ်လာပြီ ဆိုရင်တော့ ရထားလက်မှတ် ၀ယ်လိုက်ပါ။ သို့ပေမယ့် ထိုင်ခုံရဖို့တော့ အာမခံချက် ရှိမှာ မဟုတ်ပါဘူး ။ အဲဒီအတွက် ကြမ်းပြင်မှာ နာရီပေါင်းများစွာ ထိုင်ရဖို့ ရှိနေပါတယ်။

နောက်ထပ်အရေးကြီးတဲ့အရာကတော့ ကိုယ့်ရဲ့ ရထား၊ ရထားလက်မှတ် ၊ ပတ်စပို့နံပါတ် နဲ့ ပတ်စပို့တွေ အားလုံးကို ဘူတာရုံမှာ ရှိတဲ့ လုံခြုံရေး ခန်းမှာ တင်ကြိုရိုက်နှိပ် ထည့်ထားသင့်ပါတယ်။ အဲဒါဆိုရင် ဘူတာရုံဝန်ထမ်းတွေနဲ့ တခြား ၀န်ထမ်းတွေက အမြဲတမ်းစောင့်ကြည့်ပေးနေမှာ ဖြစ်ပြီး ခရီးစဉ်အားလုံး လွယ်ကူ ချောမွေ့တဲ့အထိ ကူညီပေးမှာ ဖြစ်ပါတယ်။

တကယ်လို့ အိပ်ရင်း နဲ့ ခရီးကို သက်တောင့်သက်သာ လိုက်ပါသွားချင်ရင်တော့ ကိုယ့်ရဲ့ ပတ်စပို့နံပါတ်ကို ရိုက်ထည့်ထားနိုင်ပါတယ်။ အဲဒီအခါမှာ ဘူတာခရီးစဉ်ကျော်သွားခြင်း၊ နဲ့ တခြား အခက်အခဲတွေ မဖြစ်နိုင်တော့ပဲ အိပ်ရင်း ခရီးသွားလိုသူတွေအတွက်လည်း သီးသန့် စီစဉ်ထားရှိပေးပါတယ်။

တရုတ်နိုင်ငံကို အောင်မြင်စေတဲ့ အချက်မှာ သယ်ယူပို့ဆောင်ရေးကလည်း အလွန်အရေးပါတဲ့ အခန်းကဏ္ဍတစ်ခု ဖြစ်ခဲ့ပြီး ခရီးသည်တစ်ယောက်ဟာ ဘယ်လိုနေရာမျိုးမှာ မဆို လိုင်းကားတစ်စီး ကို ရရှိ စီးနင်းနိုင်ပါတယ်။ ရှန်ဟိုင်းလိုနေရာမှာ ည ၁၀း၃၀ မှာမှ ရထားဆိုက်တယ် ဆိုရင်လည်း မြေပေါ်ကို တက်လိုက်တာ နဲ့ ဈေးနှုန်းသက်သာတဲ့ တက္ကစီ တစ်စီးကို တွေ့ရှိပါလိမ့်မယ်။ တက္ကစီတွေ ဟာ နေ့ဖြစ်ဖြစ် ၊ ညဖြစ်ဖြစ် အခကြေးငွေ တပြေးညီတည်းသာ တောင်းခံပါတယ်။

တက္ကစီနဲ့ပဲ ခရီးသွားသွား ၊ ရထားပဲ စီးစီး ၊ လေယာဉ်ပဲ စီးစီး ၊ စားသောက်ဆိုင်ပဲ ၀င်ဝင်၊ ဟိုတယ်ပဲ တက်တက် ၊ ပြဇာတ်ရုံပဲ သွားသွား၊ တရုတ်မှာ ဘယ်တော့မှ ရှိမှာ မဟုတ်တဲ့ ကိစ္စကတော့ “ Tips Money “ တောင်းခံတာပါပဲ။ တကယ်ပါပဲ ..တရုတ်နိုင်ငံမှာ Tips တောင်းခံမှုကို တားမြစ်ထားပြီး အပိုထွက်ငွေ ကို ကျခံစရာ အကြောင်းရင်း ဘယ်တော့မှ မရှိပါ။

တကယ်လို့ တရုတ်က မိတ်ဆွေတွေက ညစာ ဒါမှမဟုတ် နေ့လယ်စာ စားဖို့ ဖိတ်ကြားလိုက်ပြီဆိုပါက သူတို့ဟာ ကိုယ် စားသမျှကို အကုန်ရှင်းဖို့ သေချာပါတယ်။ တကယ်လို့ ကိုယ်ကလည်း မျှဝေကျခံချင်ရင်တော့ (သူတို့ လက်ခံမှာ မဟုတ်သလို) အဲဒီ ဆိုင်မှာ မဖြစ်နိုင်ပဲ သူတို့ကို တဖန် ပြန်လည် ခေါ်ထုတ်ရပါလိမ့်မယ်။ ဒါဟာ သူတို့တည်ဆောက်ထားတဲ့ ယဉ်ကျေးမှု စည်းမျဉ်းတစ်ခု ဖြစ်ပြီး ထုံးတမ်းစဉ်လာ တစ်ခု လိုတောင် ဖြစ်နေပါပြီ။

တရုတ်နိုင်ငံမှာ အင်္ဂလိပ်စကား မပြောဆိုပါ။ အထူးသဖြင့် ဟိုတယ်၊ စားသောက်ဆိုင် နဲ့ ထင်ရှားတဲ့နေရာတွေမှာ အဂ်လိပ်စကားကို မသုံးစွဲပါဘူး ။ တကယ်လို့ အခက်အခဲ ရှိရင်တော့ body language ကိုသာ ပြောဆိုမှာ ဖြစ်ပြီး အဲဒီထက်ပိုပြီး လိုအပ်လာမယ် ဆိုရင်တော့ ကိုယ့်ဖုန်းထဲကို ဘာသာပြန် ဆော့ဖ်ဝဲလ် တစ်ခု ကို insall လုပ်ဖို့ တိုက်တွန်းခံရပါလိမ့်မယ်။ ဒါကြောင့် တရုတ်နိုင်ငံကို သွားမယ်ဆိုရင် မဖြစ်မနေ တရုတ်စကား တတ်ဖို့ လိုအပ်လာပါတယ်။

ကမ္ဘာပေါ်မှာ ဖေ့စ်ဘုတ် မရှိတဲ့ နိုင်ငံတော်တော်များများ ရှိပါတယ်။ တချို့နိုင်ငံတွေကတော့ ဖွံ့ဖြိုးမှု အနည်းဆုံး အနေအထားမို့လို့ အင်တာနက်တောင်မှ Government လောက်မှာသာ သုံးစွဲကြပြီး ပြည်သူတွေကိုယ်တိုင် အင်တာနက်ကို မသိရှိကြတဲ့ နိုင်ငံတွေရှိသလို တချို့ကတော့ တိုးတက်ပါလျက်နဲ့ တမင်ကို ပေါ်လစီပိုင်းအရ မသုံးစွဲတဲ့ နိုင်ငံတွေပဲ ဖြစ်ပါတယ်။ ရုရှ မှာ ဖေ့စ်ဘုတ် မရှိပါဘူး ။ ဖေ့စ်ဘုတ် အစား VK ဆိုတဲ့ ဆိုရှယ်နက်ဝက်သာ ရှိပါတယ်။ အဲဒီလိုပါပဲ တရုတ်မှာလည်း ဖေ့စ်ဘုတ် မရှိပါဘူး ။ ဖေ့စ်ဘုတ်အစား Weibo ဆိုတဲ့ လူမှုကွန်ယက် သာ ရှိပါတယ်။ အဲဒီ ကွန်ယက် ကို အစိုးရ က ထိန်းကျောင်းထားတဲ့အတွက် အမှုအခင်း တစ်စုံတရာ ရှိပါက ချက်ချင်းကို သိရှိအရေးယူနိုင်စွမ်း ရှိပါတယ်။ ဖေ့စ်ဘုတ် မထားတဲ့အတွက် အားသာချက် က တရုတ်အစိုးရ ဟာ ပြည်သူ ပြည်သားတိုင်းကို စောင့်ကြည့်နိုင်ပြီး အားနည်းချက်ကတော့ ပြည်သူ၊ပြည်သားတွေ ရဲ့ လွတ်လွပ်ခွင့် မရှိတော့တာပါပဲ။ ဒါပေမယ့် ဒါကိုလည်း အုပ်ချုပ်သူတွေက ပြန်လည် တွေးတာထားပါတယ် ဖေ့စ်ဘုတ် သုံးစွဲခွင့်မရှိပေမယ့် တခြား ဆားဗစ်တွေဖြစ်တဲ့ Google , YouTube စတဲ့ ကွန်ယက်တွေ အများအပြား ရှိပါတယ်။

တရုတ်နိုင်ငံဟာ ကမ္ဘာလှည့်ခရီးသည်တွေကို ကြိုဆိုတယ် ဆိုပေမယ့် အထိုက်အလျောက် စည်းကမ်းထားရှိပါတယ်။ အဲဒီစည်းကမ်းကို ဟိုတယ်တွေမှာ တွေ့ရှိနိုင်ပါတယ်။ တချို့ဟိုတယ်တွေမှာ နိုင်ငံခြားသား ခရီးသွားတွေကို လုံးဝ တည်းခိုခွင့်မပြုတဲ့ ဟိုတယ်တွေ ရှိပြီး အဲဒီ ဟိုတယ်တွေရဲ့ ရှေ့မှာ “Only for citizens of mainland China.” လို့ ရေးထားတာ တွေ့ရှိနိုင်ပါတယ်။

နောက်ထပ် ကောင်းတဲ့ အချက်တစ်ခု ကတော့ နေရာတကာ မှာ ချက်ချင်း ရယူနိုင်တဲ့ “ရေနွေး” ခုံတွေကို တွေ့နိုင်ပါတယ်။ ရေပူ၊ ရေနွေးကို အချိန်မရွေး ရရှိနိုင်ပြီး ပန်းခြံ၊ မီးရထားဘူတာရုံ၊ စားသောက်ဆိုင် ၊ လေဆိ စတဲ့ အများပြည်သူ နဲ့ သက်ဆိုင်တဲ့နေရာမှန်သမျှ မှာ ရေပူ စနစ်ကို ထားရှိပေးပါတယ်။ တရုတ်နိုင်ငံဟာ ခေါက်ဆွဲကို အဓိက ထား စားသုံးတဲ့နိုင်ငံဖြစ်တဲ့အတွက် ဗိုက်ဆာပါက အလွယ်တကူ စားသောက်နိုင်သလို အေးစိမ့်နေတဲ့ နေရာဒေသမှာလည်း ရေနွေးကြမ်းပူပူလေး ကို အလွယ်တကူ သောက်နိုင်အောင် စီစဉ်ပေးထားတာ ဖြစ်ပါတယ်။

တရုတ်လူမျိုးတွေဟာ အလွန်ဖော်ရွေပါတယ်။ ပြသာနာ က တစ်ခု ပဲ ရှိပါတယ်။ ကိုယ်သွားချင်တဲ့နေရာကို အလွယ်တကူ သွားဖို့တော့ တိုင်ပတ်နေလေ့ရှိပါတယ်။ ဘာလို့လဲ ဆိုတော့ နိုင်ငံတကာ ဘာသာစကား ဖြစ်တဲ့ အင်္ဂလိပ်ဘာသာစကားကို တရုတ် လူမျိုး ၈၀ ရာခိုင်နှုန်း က မတတ်ကျွမ်းကြတဲ့အတွက် အလွယ်တကူ လမ်းညွှန်ပြပေးနိုင်ခြင်း မရှိပါဘူး။ ကူညီလိုစိတ် ရှိပေမယ့် သူတို့ကိုယ်တိုင် ဟာ ခရီးသွားဟန်လွှဲ အင်္ဂလိပ်စကားကိုတောင် မသိရှိကြတဲ့အတွက် လမ်းညွှန် App ကိုသာ ညွှန်ပြပေးပါလိမ့်မယ်။

ပြန်လည်မျှဝေလိုက်ပါ.......

credit - မူရင်း